(2) Med grunnutdanning er meint utdanningar som normalt byggjer på vidaregåande opplæring, og som ikkje byggjer på eller har anna høgare utdanning som del av opptakskrav.
Sjette ledd skal lyde:
(6) Forskrifta gjeld òg, med visse unntak, jf. forskrifta § 8-1, for klagar over enkeltvedtak i den nasjonale opptaksmodellen for grunnutdanningar ved universitet og høgskolar som blir organisert av tenesta Samordna opptak.
(1) Det generelle grunnlaget for opptak til universitet og høgskular (generell studiekompetanse) skal normalt vere at søkjaren har
a.
vitnemål om bestått norsk treårig vidaregåande opplæring som gir studie- eller yrkeskompetanse; eller
b.
fylt 23 år i løpet av opptaksåret og kan dokumentere minimum fem års fulltids arbeidserfaring og/eller utdanning (23/5-søkjarar). Omsorgsarbeid og militær førstegongsteneste eller sivilteneste kan òg reknast som arbeidserfaring. Som utdanning gjeld bestått årstrinn i vidaregåande opplæring, godkjent årskurs frå folkehøgskule og/eller eksamen frå studium som har vart i minst eitt år.
Begge alternativa ovanfor krev desse faga frå vidaregåande opplæring, som må vere dekte innanfor eller tekne i tillegg til krava ovanfor. Faga er oppgitt med samla omfang i timar (60 minutts einingar). Faga må vere beståtte:
(1) Søkjarar med 3-årig vidaregåande utdanning frå dei andre nordiske landa er kvalifiserte for opptak utan tilleggskrav i norsk når den vidaregåande utdanninga gir generelt opptaksgrunnlag til universitet og høgskular i dei respektive landa.
(2) Søkjarar som har utanlandsk utdanning frå land utanfor Norden, må dokumentere bestått utdanning på nivå med norsk 3-årig vidaregåande opplæring som gir generell studiekompetanse, jf. sjette ledd, og i tillegg dokumentere kunnskapar i norsk med éin av desse prøvane:
1.
Bestått norsk med 393 timar frå vidaregåande opplæring.
2.
Bestått eksamen frå trinn 3 i norsk for utanlandske studentar ved universiteta.
3.
Bestått studium i høgare utdanning på minst 60 studiepoeng i norsk språk og samfunnskunnskap for utanlandske studentar.
4.
Skriftleg og munnleg test i norsk, høgare nivå («Bergenstesten»), med minimum 450 poeng eller «bestått» etter ny vurderingsordning f.o.m. hausten 2009.
(3) Søkjarar som har utdanning frå International Baccalaureate (IB) frå 2021 eller seinare, og som anten har teke norsk A på minst lågare nivå («standard level»), eller norsk B på høgare nivå («higher level»), eller fyller kravet til norsk etter denne føresegna på andre måtar, fyller krava til generell studiekompetanse dersom dei i tillegg
1.
har oppnådd diplom frå International Baccalaureate (IB), eller
2.
har oppnådd IB-Certificate med meir enn 20 poeng og bestått tre fag på lågare nivå («standard level») og tre fag på høgare nivå («higher level»), eller bestått to fag på lågare nivå («standard level») og fire fag på høgare nivå («higher level»). Slike søkjarar kan ikkje ha lågare karakter enn 3. Theory of Knowledge, Creativity, Action and Service og Extended Essay må òg vere bestått.
(4) Søkjarar som har utdanning frå International Baccalaureate (IB) fram til og med 2020, anten har teke norsk A eller norsk B på minst lågare nivå («standard level»), eller fyller kravet til norsk etter denne føresegna på andre måtar, fyller krava til generell studiekompetanse dersom dei i tillegg
1.
har oppnådd diplom frå International Baccalaureate (IB), eller
2.
har oppnådd IB-Certificate med meir enn 20 poeng og bestått tre fag på lågare nivå («standard level») og tre fag på høgare nivå («higher level»), eller bestått to fag på lågare nivå («standard level») og fire fag på høgare nivå («higher level»). Slike søkjarar kan ikkje ha lågare karakter enn 3. Theory of Knowledge, Creativity, Action and Service og Extended Essay må òg vere bestått.
(5) Universitetet eller høgskulen kan godta annan dokumentasjon av norskkunnskapar.
(6) Krava til norskkunnskapar gjeld ikkje for søkjarar som skal takast opp til framandspråklege utdanningsprogram, utdanningsprogram der samisk er undervisningsspråk, og for studentar som deltek i internasjonale utvekslingsprogram.
(7) GSU-lista er bindande ved opptak til høgare utdanning.
§ 2-3.Opptak på grunnlag av fullført høgare utdanning
(1) Søkjarar som er tekne opp til høgare utdanning på grunnlag av reglar om unntak frå kravet om generell studiekompetanse, jf. kapittel 3, og som har bestått ei slik utdanning på minst eitt år (60 studiepoeng eller to studium, kvart på 30 studiepoeng), får generell studiekompetanse såframt dei har dokumenterte norskkunnskapar.
(2) Dersom den høgare utdanninga ikkje har hatt norsk eller anna nordisk språk som undervisningsspråk, må kravet om norsk oppfyllast, jf. § 2-1. Søkjarar med utdanning frå land utanom Norden som er tekne opp på grunnlag av § 2-2 femte ledd, må dokumentere norskkunnskapar etter føresegnene i § 2-2.
(1) Søkjarar som er 25 år eller eldre i opptaksåret, og som ikkje har generell studiekompetanse, har krav på å få vurdert om dei er kvalifiserte for eit bestemt studium på grunnlag av realkompetanse. Denne føresegna gjeld ikkje for søkjarar som er kvalifiserte for opptak til dette bestemte studiet etter andre føresegner, jf. § 3-3 til § 3-11.
Desse studia er unnatekne frå kravet om generell studiekompetanse:
a.
Integrert masterstudium i teknologiske fag, 3-årig ingeniørutdanning og maritime fag har unntak frå kravet om generell studiekompetanse for søkjarar som har bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014, 1-årig forkurs for ingeniør- og maritim høgskuleutdanning eller 2-årig fagskuleutdanning etter studieordningar før rammeplan fastsett av departementet i 1998–1999
b.
Arkitektutdanning ved Noregs teknisk-naturvitskaplege universitet har unntak frå kravet om generell studiekompetanse for søkjarar som har bestått nyare godkjend 2-årig fagskuleutdanning i tekniske fag eller 2-årig fagskuleutdanning etter studieordningar før rammeplan fastsett av departementet i 1998–1999.
§ 3-10.Unntak frå kravet om generell studiekompetanse for opptak til matteknologi
Matteknologiutdanning har unntak frå kravet om generell studiekompetanse for søkjarar som har bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014, 1-årig forkurs for ingeniør- og maritim høgskuleutdanning eller 1-årig tilpassingskurs.
Ny § 3-11 skal lyde:
§ 3-11.Unntak frå kravet om generell studiekompetanse for opptak til spesielt tilrettelagd paramedisinutdanning
Institusjonar kan ta opp søkjarar med relevant fagbrev som ikkje oppfyller krava til generell studiekompetanse til spesielt tilrettelagd paramedisinutdanning.
(4)Universitet og høgskular som tilbyr studium i realfag, natur- og miljøfag kan som ei forsøksordning for opptak til studieåra 2018–2019, 2019–2020, 2020–2021 og 2021–2022 sjølve fastsetje at det for opptak til slike studieprogram skal stillast krav om matematikk (R1 + R2) og i tillegg fysikk (1 + 2) eller kjemi (1 + 2) eller biologi (1 + 2) eller informasjonsteknologi (1+ 2) eller geofag (1 + 2) eller teknologi og forskingslære (1 + 2).
(1)Arkitektutdanning ved Noregs teknisk-naturvitskaplege universitet har krav om matematikk (R1 + R2) og fysikk 1.
a.
Søkjarar med 2-årig teknisk fagskule etter rammeplan fastsett av departementet 1998–1999 og tidlegare studieordningar fyller krava for opptak utan omsyn til dei spesielle krava i matematikk og fysikk som er fastsette her.
Tredje ledd skal lyde:
(3)Integrert masterstudium i teknologiske fag, med unntak av Noregs teknisk-naturvitskaplege universitetet, har krav om matematikk (R1 + R2) og fysikk 1. Sjå òg ledd 7.
a.
Søkjarar med 2-årig teknisk fagskule etter rammeplan fastsett av departementet i 1998–1999 og tidlegare studieordningar fyller krava for opptak utan omsyn til dei spesielle krava i matematikk og fysikk som er fastsette her.
b.
Søkjarar med bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014 og søkjarar med bestått 1-årig forkurs for ingeniørutdanning og maritim høgskuleutdanning fyller fagkrava for opptak utan omsyn til dei spesielle krava i matematikk og fysikk som er fastsette her.
Fjerde ledd skal lyde:
(4)3-årig ingeniørutdanning har krav om matematikk (R1 + R2) og fysikk 1.
a.
Søkjarar med 2-årig teknisk fagskule etter rammeplan fastsett av departementet i 1998–1999 og tidlegare studieordningar fyller krava for opptak utan omsyn til dei spesielle krava i matematikk og fysikk som er fastsette her.
b.
Søkjarar som har bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014, og søkjarar med bestått 1-årig forkurs for ingeniørutdanning og maritim høgskuleutdanning, fyller krava for opptak utan omsyn til dei spesielle opptakskrava i matematikk og fysikk som er fastsette her.
c.
For søkjarar med generell studiekompetanse eller bestått nyare godkjent to-årig teknisk fagskule i tekniske fag som blir tekne opp til treterminordning, gjeld ikkje det spesielle opptakskravet i matematikk og fysikk som er fastsett her.
Sjuande ledd skal lyde:
(7)Integrert masterstudium i teknologiske fag ved Noregs teknisk-naturvitskaplege universitet har krav om matematikk (R1 + R2) og fysikk 1. Søkjarar må dokumentere eit gjennomsnitt på minimum karakteren 4,0 i matematikk R2 (140 timar).
a.
Søkjarar med nyare godkjend 2-årig fagskuleutdanning i tekniske fag må dokumentere tilsvarande kunnskapar i matematikk og fysikk.
b.
Søkjarar med 2-årig teknisk fagskule etter rammeplan fastsett av departementet i 1998–1999 og tidlegare studieordningar må dokumentere kunnskapar tilsvarande matematikk R2 med eit gjennomsnitt på minimum karakteren 4,0.
c.
Søkjarar med bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014 og søkjarar med 1-årig forkurs for ingeniørutdanning og maritim høgskuleutdanning fyller fagkrava for opptak utan omsyn til dei spesielle fagkrava i matematikk og fysikk som er fastsette her. Søkjarar må ha karakteren C eller betre i matematikk frå forkurs.
(3)Matematisk finans har krav om matematikk R1 eller matematikk (S1 + S2).
Fjerde ledd skal lyde:
(4)Bachelorstudium i samfunnsøkonomi og i politisk økonomi ved Universitetet i Bergen har som ei forsøksordning for opptak til studieåra 2019–2020, 2020–2021 og 2021–2022 krav om at søkjarar må dokumentere søkjaren har minst karakteren 4,0 i fellesfaget matematikk (224 timar). Karakterkravet i matematikk gjeld ikkje for søkjarar som kan dokumentere bestått programfag i matematikk med eit omfang på minst 140 timar eller tilsvarande.
(1)Grunnskulelærarutdanning og 5-årig lektorutdanning har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 4,0 i fellesfaget matematikk (224 timar). Karakterkravet i matematikk gjeld ikkje for søkjarar som kan dokumentere bestått programfag i matematikk med eit omfang på minst 140 timar eller tilsvarande. Søkjarar kan i tillegg måtte gjennomføre ein opptaksprøve i form av eit intervju etter nærmare reglar fastsette av institusjonen.
a.
For søkjarar som har samisk som førstespråk eller andrespråk, gjeld karakterkravet i norsk for gjennomsnittet av karakterane i norsk (309 timar) og samisk (309 timar).
b.
For søkjarar som har norsk teiknspråk, kvensk eller finsk som andrespråk, gjeld karakterkravet i norsk gjennomsnittet av karakterane i første- og andrespråket.
c.
For søkjarar til grunnskulelærarutdanning ved Samisk høgskole gjeld i tillegg krava som er fastsette i § 4-10.
(2)Grunnskolelærarutdanning og 5-årig lektorutdanning med realfag, miljø- og naturfag har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og i tillegg kravet som er fastsett for realfag, miljø- og naturfag i § 4-3 andre eller fjerde ledd.
(3)Grunnskolelærarutdanning med musikk har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 4,0 i fellesfaget matematikk (224 timar). I tillegg må søkjaren dokumentere kunnskapar og ferdigheiter i musikk etter nærmare reglar fastsette av institusjonen.
(4)Grunnskolelærar- og barnehagelærarutdanning med sørsamisk eller lulesamisk har krav om at søkjarar må dokumentere kunnskapar i sørsamisk eller lulesamisk språk etter nærmare reglar fastsette av institusjonen. For grunnskolelærarutdanning gjeld i tillegg at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 4,0 i fellesfaget matematikk (224 timar).
(5)Faglærarutdanning i praktiske og estetiske fag har krav om at søkjarar må dokumentere minimum 35 skulepoeng og eit gjennomsnitt på minimum karakteren 3,0 i norsk (393 timar) og 3,0 i matematikk (224 timar). Søkjarar til faglærarutdanning i musikk, dans og drama må i tillegg dokumentere kunnskapar og ferdigheiter i musikk, dans eller drama etter nærmare reglar fastsette av institusjonen.
(6)Grunnutdanning i musikk, dans og drama som er pedagogisk retta har krav om at søkjarar må dokumentere kunnskapar og ferdigheiter i musikk, dans eller drama etter nærmare reglar fastsette av institusjonen.
(7)Yrkesfaglærarutdanning har krav om fag-/sveinebrev eller anna fullført og bestått 3-årig yrkesutdanning i skole frå vidaregåande opplæring og 2 års relevant praksis etter avslutta utdanning. I dei tilfella der ein må ha autorisasjon for å praktisere i yrket, må ein òg ha autorisasjon for å komme inn på yrkesfaglærarutdanninga.
(8)3-årig lærarutdanning for tospråklege lærarar har krav om at søkjarar må dokumentere eit gjennomsnitt på minimum karakteren 3,0 i norsk (393 timar) og tospråkleg kompetanse etter nærmare reglar fastsette av institusjonen.
(1)Engelskspråklege bachelorprogram ved Noregs miljø- og biovitskaplege universitet har krav om at søkjarar må dokumentere minimum karakteren 4,0 i fellesfaget engelsk (140 timar). Karakterkravet i engelsk gjeld ikkje for søkjarar som kan dokumentere bestått programfag i engelsk med eit omfang på minst 140 timar eller tilsvarande.
Nytt fjerde ledd skal lyde:
(4) Frå og med opptak til studieåret 2022–2023:
Dei engelskspråklege bachelorprogramma Bachelors programme in Arctic Adventure Tourism og Bachelors programme in Northern Studies ved UiT – Noregs arktiske universitet har krav om at søkjarar må dokumentere minimum karakteren 4,0 i fellesfaget engelsk (140 timar). Karakterkravet i engelsk gjeld ikkje for søkjarar som kan dokumentere bestått programfag i engelsk med eit omfang på minst 140 timar eller tilsvarande.
(1)Spesialtilpassa høgskuleutdanning for døve ved Noregs teknisk-naturvitskaplege universitet har krav om at søkjarar må dokumentere ferdigheiter i norsk teiknspråk etter nærmare reglar fastsette av institusjonen.
Fjerde ledd skal lyde:
(4)Paramedicutdanning har krav om fagbrev som ambulansepersonell eller relevant høgare utdanning.
Sjette ledd skal lyde:
(6)3-årig bachelorstudium i journalistikk ved OsloMet – storbyuniversitetet har krav om at søkjarar må dokumentere minimum karakteren 4,0 i norsk (393 timar).
Ellefte ledd skal lyde:
(11) Søkjarar til desse studia og institusjonane må bestå opptaksprøve etter nærmare reglar fastsette ved institusjonen:
a.
Følgjande studium ved OsloMet – storbyuniversitetet
-
Fotojournalistutdanning
-
Produktdesignutdanning
-
Bachelor i tolking i offentleg sektor
b.
Animasjon ved Høgskulen i Volda
c.
Industridesign ved Arkitektur- og designhøgskolen i Oslo
(1) Søkjarar som på grunn av spesielle omstende ikkje kan gå opp til eksamen i vidaregåande opplæring, og som derfor ikkje kan få dokumentasjon på bestått opplæring som normalt er krav for opptak til institusjonar som er omfatta av denne forskrifta, kan få opptak til høgare utdanning på visse vilkår. Søkjaren får opptak til høgare utdanning på vilkår av at han/ho består eksamen i eitt eller fleire fag i vidaregåande opplæring i løpet av første semester etter opptak. Det er ein føresetnad at søkjaren har karakteren 2 eller betre, eller oppfyller andre opptakskrav med standpunktkarakteren i det faget han/ho ikkje har avlagt eksamen i, og at søkjaren ikkje allereie har avsluttande vurdering i faget. Dersom det er fastsett karakterkrav for opptak til studiet er det ein føresetnad at søkjaren oppfyller karakterkravet når eksamen er avlagt.
(2) Det kan gjerast unntak frå føresegna i første ledd dersom årsaka til at søkjaren eller studenten ikkje legg fram politiattest i samsvar med reglane i denne forskrifta, ligg i omstende som vedkommande ikkje rår over. Studiestaden må varsle praksisstaden om studentar som får delta i praksis etter andre ledd, utan å ha lagt fram politiattest, slik at praksisstaden kan ta naudsynte forhandsreglar.
§ 7-11.Tilleggspoeng for høgare utdanning, fagskuleutdanning, eitt år på folkehøgskule, sivilteneste eller militær førstegongsteneste
(1) Det blir gitt 2 tilleggspoeng for anten eit fullført studium eller samla 60 studiepoeng ved universitet eller høgskule eller 60 fagskulepoeng/studiepoeng frå fagskule, eitt år på ein folkehøgskule med godkjend skuledokumentasjon eller fullført militær førstegongsteneste eller sivilteneste.
(2) Eit fullført halvårig studium i høgare utdanning eller fagskule eller 30 studiepoeng/fagskulepoeng/studiepoeng frå fagskule gir 1 tilleggspoeng.
(3) Søkjarar som har generell studiekompetanse med grunnlag i høgare utdanning eller fagskule kan ikkje få tilleggspoeng for denne.
(4) Det kan maksimalt givast 2 tilleggspoeng etter denne føresegna.
(1) Reglane for nasjonal klagenemnd gjeld klagar over enkeltvedtak i den nasjonale opptaksmodellen for grunnutdanningar ved universitet og høgskular som Samordna opptak (Unit) organiserer.
(2) Reglane for nasjonal klagenemnd gjeld ikkje vedtak om opptak på grunnlag av realkompetanse og vedtak om opptak etter at det er gitt dispensasjon frå enkelte av krava om generell studiekompetanse, jf. § 3-6 i universitets- og høgskulelova. Reglane gjeld heller ikkje for klagar på vurdering av spesielle opptakskrav som omfattar ferdigheiter eller opptaksprøvar etter nærmare reglar fastsette av institusjonen. Klagar på slike vedtak skal behandlast i samsvar med den klageordninga som er etablert ved kvar lærestad.
(8) Søkjarar som er tekne opp før 1. juli 1997, og som har fullført og bestått eit studium i høgare utdanning normert til minst 60 studiepoeng eller to studium normerte til minst 30 studiepoeng, har generell studiekompetanse.
Forskrift om endring i forskrift om opptak til høgre utdanning
Heimel: Fastsett av Kunnskapsdepartementet 16. desember 2020 med heimel i lov 1. april 2005 nr. 15 om universiteter og høyskoler (universitets- og høyskoleloven) § 3-6, § 3-7 og § 4-9.
I
I forskrift 6. januar 2017 nr. 13 om opptak til høgre utdanning er det gjort følgjande endringar:
Tittelen skal lyde:
Forskrift om opptak til høgare utdanning
§ 1-1 første ledd skal lyde:
Andre ledd skal lyde:
Sjette ledd skal lyde:
§ 2-1 første ledd skal lyde:
Begge alternativa ovanfor krev desse faga frå vidaregåande opplæring, som må vere dekte innanfor eller tekne i tillegg til krava ovanfor. Faga er oppgitt med samla omfang i timar (60 minutts einingar). Faga må vere beståtte:
§ 2-2 skal lyde:
§ 2-3 skal lyde:
§ 2-3.Opptak på grunnlag av fullført høgare utdanning
§ 3-1 første ledd skal lyde:
§ 3-4 skal lyde:
Desse studia er unnatekne frå kravet om generell studiekompetanse:
§ 3-10 skal lyde:
§ 3-10.Unntak frå kravet om generell studiekompetanse for opptak til matteknologi
Matteknologiutdanning har unntak frå kravet om generell studiekompetanse for søkjarar som har bestått 1-årig forkurs for 3-årig ingeniørutdanning og integrert masterstudium i teknologiske fag etter fagplan av 2014, 1-årig forkurs for ingeniør- og maritim høgskuleutdanning eller 1-årig tilpassingskurs.
Ny § 3-11 skal lyde:
§ 3-11.Unntak frå kravet om generell studiekompetanse for opptak til spesielt tilrettelagd paramedisinutdanning
Institusjonar kan ta opp søkjarar med relevant fagbrev som ikkje oppfyller krava til generell studiekompetanse til spesielt tilrettelagd paramedisinutdanning.
§ 4-3 fjerde ledd skal lyde:
§ 4-4 første ledd skal lyde:
Tredje ledd skal lyde:
Fjerde ledd skal lyde:
Sjuande ledd skal lyde:
§ 4-5 tredje ledd skal lyde:
Fjerde ledd skal lyde:
§ 4-7 skal lyde:
§ 4-8 første ledd skal lyde:
Nytt fjerde ledd skal lyde:
§ 4-9 ny bokstav n skal lyde:
§ 4-10 første ledd skal lyde:
Fjerde ledd skal lyde:
Sjette ledd skal lyde:
Ellefte ledd skal lyde:
§ 5-1 første ledd skal lyde:
Overskrifta til kapittel 6 skal lyde:
Kapittel 6. Politiattest ved opptak til høgare utdanning
§ 6-6 andre ledd skal lyde:
§ 7-2 andre ledd skal lyde:
§ 7-11 skal lyde:
§ 7-11.Tilleggspoeng for høgare utdanning, fagskuleutdanning, eitt år på folkehøgskule, sivilteneste eller militær førstegongsteneste
§ 8-1 skal lyde:
§ 9-1 åttande ledd skal lyde:
II
Forskrifta skal tre i kraft frå 1. januar 2021.